Асосий қисмга ўтиш
Munojotlar

«Сабуҳий қилмаган махмур каби ҳолим паришондур...»

Сабуҳий қилмаган махмур каби ҳолим паришондур,Ва ёким ойкезар янглиғ кетарман ҳар тараф, ёҳу!Эй ишқ султонлари, айтинг, бу не сеҳру, бу не жоду:Муҳаббатнинг саройи кенг экан, йўлни йўқотдим-ку,Асрлик тош янглиғ бу хатарли йўлда қотдим-ку.
Бу йўлдан кетгучи келмас, на "келгай"дур, на "душвор"дур,Бу йўлдур ёки йўлсизлик – гумоним аммо бисёрдур,Бу йўлсизлик аро йўлчи эсанг, йўл изламак ордур,Карашма денгизин кўрдим, на нозлик тўлқини вордур,Ҳалокат бўлғусин билмай қулочни катта отдим-ку.
Ўшал денгизда ғарқ бўлсам – буким оё хато, дўстлар?Магар ғарқ бўлмасам ҳам йўқ омонлик, не бало, дўстлар,Бу не афюнки – сернашъа, бўлибман мубтало, дўстлар,Ажаб дунё экан бу ишқ дунёси, аё дўстлар,Бу дунё деб у дунёни баҳосиз пулга сотдим-ку.
Бу ишқ бўстонида гуллар гаҳе алвон, гаҳе насрин,Саболарга ялингайман уфургил деб бўйин-атрин,Ахир, ёдлаб менинг афғону зоримни асрларкимАнинг гулзорида булбул ўқиб қон айлади бағрим,Кўзимдан ёшни жў айлаб, аламлар ичра ботдим-ку.
Бўлуб олам бу олам ул каби кўрганми дилдорни,Менингдек на мусулмон, на насоро – бир гирифторни,Илоҳо, мазҳабим – ишқ, қил не қилсанг бу гуноҳкорни,Қаландардек юриб дунёни кездим, топмайин ёрниЯна кулбамга қайғулар, аламлар бирла қайтдим-ку.
Маломат қилмангиз ким деб, агар пинҳон эдим, дўстлар,Қўйинг Фарҳоду Мажнунларни, чин достон эдим, дўстлар,Замон бегонаси, лек нодири даврон эдим, дўстларМуҳаббат осмонида гўзал Чўлпон эдим,дўстлар,Қуёшнинг нурига тоқат қилолмай ерга ботдим-ку.
Кўнгил шеваси · 200630 satr